Өлкөдө теракт жасаганга аракет кылган деген айып менен түрмөдө жаткан беш америкалык бүгүн сотто ушинтип айтышты. Аларды түрмөдө кыйнап, өлтүрөбүз деп коркутушканын, электр шогуна салышканын билдиришти. Бул адамдар декабрда Саргодха шаарында кармалышкан эле. Алар талиптер менен интернет аркылуу байланышып, теракт уюштурганга аракет кылышкандыгы кабарланган. Бирок камалгандар өздөрү мусулмандарга болгону медициналык жардам көрсөтүүгө аракет кылышканын айтып келишет.
