НАТОнун баш-катчысы Андерс Фог Расмуссен дүйнөдө коопсуздукту сактоо ишинде Кытай, Индия жана Пакистан өңдүү мамлекеттер менен алаканы бекемдөө зарылдыгын айтты. Ал бүгүн Мюнхенде коопсуздук боюнча конференцияда сүйлөп жатып, Түндүк-атлантикалык альянс эларалык саясаттагы башка ири өлкөлөрдүн жардамысыз жаңы коркунучтарга туруштук бере албайт, деди. Ал Ооганстанда абалды оңдоого Кытай менен Орусияны да активдүү катышканга чакырды.