АКШнын ири өнөр жай кампанияларынын акцияларынын өтүмдүүлүгүн көрсөткөн Доу Жонс индекси дүйшөмбү күнкү соодада 10 миңден ылдый кетти же мурдакыдан 104 пунктка төмөндөдү. Бул акыркы үч айдагы эң начар көрсөткүч. Анын себебин эксперттер Европанын экономикасындагы, айрыкча Грекия, Португалия жана Испания өкмөттөрүнүн оор финансылык абалы, жумушсуздуктун бийик деңгээли менен түшүндүрүшөт.
