Ооганстанда Кабул менен өлкөнүн түштүгүн бириктирген Салаң туннели кар көчкүдөн улам тосулуп калды. Хинду Куш тоолорундагы кар көчкүдөн кеминде 28 адам мүрт кетти, 70 киши жаракат алды. Коргоо министрлиги эки жүздөй адам сырткы дүйнө менен байланышы жок калганын билдирди. Бир нече күндөн бери катуу жааган кардан жана кар көчкүдөн улам туннелдин эки жагы жабылып калган.
