Бир миңге чукул адам катышкан митингде мурдагы коргоо министри Исмаил Исаковду абактан бошотууну буга чейин суранып келишсе, эми аны актоону бийликтен талап кылышары айтылууда. Ошондой эле нааразылык билдирген алайлыктардан кабар алышпаган жердештери каржы министри Марат Султановго, салыктар жана жыйымдар боюнча мамлекеттик комитетинин төрагасы Акматбек Келдибековго, Жогорку Кеңештин “Ак жол” фракциясынан депутаттар Ажыбай Калмаматов менен Нургазы Айдаровго нааразылык билдиришүүдө. Митингичилердин коопсуздугун камсыз кылып он чакты атчан турат. Бул тууралуу кабарчыбыз Айданбек Ташкенбаев митинг өтүп жаткан жерден билдирди. (AJ)
