Жогорку Кеңештин СДП фракциясы 15-февралда стационардык жана уюлдук телефонго, газ, электр кубатына, жылуулук, ысык сууга баалардын көтөрүлүшү боюнча тиешелүү министр, жетекчилердин маалыматын угат. Фракция жыйынында Башкы прокурор Нурлан Турсункулов, Экономиканы жөнгө салуу министри Жеңишбек Багуттиев, Байланыш агенттигинин директору Кубат Кадыралиев, Мамлекеттик антимонополдук тескөө агенттигинин директору Нударбек Турганбаевдин баян берүүсү күтүлүүдө. Мындан сырткары жыйынга көз карандысыз адистер, бейөкмөт уюмдардын өкүлдөрү катышат. (КЕ)
