Мурдагы коргоо министри Исмаил Исаковдун адвокаты Азимбек Бекназаров “Азаттыкка” прокурор сот жыйынында И. Исаковго коюлган айыпты күчүндө калтырууну өтүнгөүн маалымдады. Анын айтымында, И. Исаков өзүнүн адвокатынын жоктугуна байланыштуу соңку сөз сүйлөөдөн баш тартты. Бүгүнкү соттук процессте мурдагы коргоо министринин жактоочулары судьяларга ишбөөчүлүк билдиришкен. Буга Аскердик сотто алардын дээрлик баардык өтүнүчү канааттандырылбаганы себеп болгон. И. Исаков 11-январда сегиз жылга эркинен ажыратылган. Ага кызматынан пайдаланган деген айып тагылууда. Мурдагы коргоо министри бул иш-аракеттерди саясий буйрук катары баалап жатат. (EBM)
