Вашингтон Тегеранга өзөктүк программасынан баш тартуусу үчүн кысымды күчөтөөрү жөнүндө АКШнын Борбордук командачылыгынын башчысы, генерал Дэвид Петреус билдирди. Ал жекшемби күнкү телеинтервьюсунда белгилегендей, дүйнөлүк коомчулук Иранга кырдаалды дипломатиялык жол менен жөндөп алуусу үчүн мүмкүнчүлүк берди, бирок ал мүмкүнчүлүктү пайдаланган жок. Анткен менен америкалык генерал Иранга кысым көргөзүүнүн кандай жаңы ыкмалары колдонулуусу мүмкүн экени жөнүндө айтпады.
