Бул кабарды ооган өкмөтү айтты. Буга чейин 33 адам өлгөн деп айтылган эле. Аскерлер болсо жекшембиде куралчан жикчилер бараткан автоколоннаны аткылашканын билдиришүүдө. НАТОнун аскер командачылыгы чабуулдан канча адам мерт болгонун айта элек. Азыр өкмөт НАТОнун адистери менен биргеликте окуяны иликтеп жатат. Кокустук үчүн жекшембиде НАТОнун ал жактагы аскерлеринин башчысы Стэнли Маккристал ооган президенти Хамид Карзайдан кечирим сурады.
