Мурунку коргоо министри Исмаил Исаковду коргоо боюнча Алай райондук комитеттин төрагасы Айтпай Жээналиев “Азаттыкка” бүгүн Мекенди коргоочулар күнүндө акимчиликтин алдына жүздөй адам чогулуларын маалымдады. Алар экс-министрдин кыргыз армиясына сиңирген эмгегин эскерип, анын токтоосуз акталып бошотулушун талап кылышмакчы. Аталган комитет 20-февралда жыйын куруп, Исаковду бошотуу талабы менен нааразычылык иш-чараларын күчтөндүрүү, жөө, атчан жүрүш уюштуруу, Ош - Эркеч-Там кан жолун тосуу туралуу чечим кабыл алышкан. Жергиликтүү бийлик акция катышуучуларын сабырдуулукка чакырып, мыйзамсыз иш-аракеттер сөзсүз жазаланаарын эскертип жатышат. (EBM)
