БУУнун баш катчысы Пан Ги Мун Кабулдагы терактты айыптады. Жума күнкү кол салуудан бери дегенде 17 киши, анын ичинде чет өлкөлүк жарандар набыт болуп, 30дан ашык адам жараат алган. Баш катчы "бейкүнөө адамдарды бутага алуу менен Талибан канчалык таш боор экенин көргөздү" деп белгиледи. Расмий маалыматка ылайык, өлгөндөрдүн арасында Индиянын 11 жараны, франциялык режиссер жана италиялык дипломат бар. Жыл башынан бери согушкерлер Кабулда ушуну менен экинчи ирет теракт уюштурушту. 18-январда согушкерлер шаар борборундагы өкмөттүк имараттарга жана башка жайларга чабуул коюшкан.
