Мындай маалыматты Кадамжай районунун өзүн Мурат деп тааныштырган тургуну бүгүн «Азаттыкка» билдирди. Анын айтымында, бүгүн түштөн кийин Кадамжай районунун аймагында Кыргызстандын “Айрыбаз” чек ара бекетинен өтүп бараткан жеңил унааны чек арачылар токтотууга жасаган аракетине баш ийбегендиктен ок чыгарышкан. Натыйжада бир кишиге ок тийип, ал мерт болгон. Бул тууралуу облустук акимчиликтин укук коргоо жана коргонуу бөлүм башчысына кайрылганыбызда азырынча эч нерсе айта албастыгын, кийинчирээк маалымат берилээрин билдирди.
