“Манас Эл” кыймылынын демилгеси менен өткөрүлүп жаткан “Улутум кыргыз – урааным Манас” деп аталган бул иш-чарага манасчылар, коомдук уюмдардын өкүлдөрү жана жаш активисттер катышууда. “Ак шумкар КУТ” жаштар уюмунун лидери Айбек Бусурманкуловдун айтымында, ар ишемби сайын өтүп келген бул иш-чарада Манасты бүт дүйнөгө даңазалоо, эпосту ЮНЕСКОнун дүйнөлүк мурастар тизмесине кайрадан Кыргызстандын атынан киргизүү сыяктуу маселелер каралууда. “Улуу эпосубузга мамлекет көңүл бурбай, Кытай республикасынын атынан ЮНЕСКОго киргизилиши жалпы кыргыз элин ардантты” дейт Бусурманкулов.
