8-март - Аялдардын эл аралык күнүнө карата өткөрүлгөн салтанатта Бишкек шаарынын мэри Нариман Түлеев жана премьер-министр Данияр Үсөнов айымдарды куттуктап, өлкөнүн социалдык-экономикалык жактан өнүгүшүнө салым кошкону үчүн алты айымга "Кыргызстандын билим берүү тармагына эмгек синирген ишмер" деген ардактуу наам ыйгарды. Алар - Башкаруу Академиясынын социалдык жана саясий менеджмент кафедрасынын башчысы Токон Ожукеева, Бишкек шаардык илим жана билим кызматкерлеринин профсоюз комитетинин төрайымы Гүлша Султанбаева, “Кыргыз коньягы” компаниясынын башкы директору Гүлшат Асылбаева, Бишкек мэриясынын социалдык өнүгүү башкармалыгынын жетекчи орун басары Лариса Губина, “Тажик” коомдук бирикмесинин мүчөсү Ранахан Сабирова жана ЖК депутаты Турдукан Жумабекова. (JAk)
