15-мартта Бишкекте Жаштардын укугун коргоо түйүнү баш болгон бир канча жаштардын уюмдары уюлдук байланыштын 60 тыйынга кымбаттоосуна каршы тынч митинг өткөрүшөт. Алар митинг өткөрө тургандыктары тууралуу Бишкектин Биринчи май райондук администрациясына билдирүү катын жиберишкен. Жаштардын пикиринде, уюлдук байланыштын наркын бийликтегилер менен уюлдук компаниялары сүйлөшүп алып жасашкан. Буга чейин уюлдук компаниялардын жетекчилиги кымбаттоону зарылчылык катары түшүндүрүшкөн болчу. (IJz)
