Махмуд Ахмадинежад бүгүн Кабулда ооган президенти Хамид Карзай менен жолугуп, АКШ Ооганстанда эки тараптуу оюн жүргүзүүдө деп айыптады. Ирандын президенти Вашингтон террористтердин пайда болушуна жардам берген, эми аларга каршы кайра өзү күрөшүп атат деп маалымдады. Ахмадинежад Ирандын атынан Ооганстандагы өкмөт менен кайра куруу иштерине толук колдоо билдирди.
