Россиядагы жергиликтүү шайлоонун алгачкы санактары көргөзгөндөй, премьер-министр Владимир Путин жетектеген бийликтеги "Бирдиктүү Россия" партиясы алдыда баратат. Бирок 2007-жылкы шайлоого караганда партиянын колдоочулары азайды. Кечээ добуш берүүчүлөр регионалдык 8 парламенттин мүчөлөрүн, 5 шаардын мэрин жана ондогон шаардын кеңеш мүчөлөрүн шайлашты. Бирдиктүү Россия жана оппозициядагы партиялар шайлоону бурмалады деп бири бирин айыпташты. Кабараларга караганда, Мамлекеттик Думадагы 4 партия тең жергиликтүү парламенттерде орундарга ээ болушмакчы. Алардын ичине башкаруудагы партиядан тышкары коммунисттер, либерал-демократтар жана "Адилет Россия" партиясы кирет.
