Жыйырма алты тармакты бириктирип турган бизнес-ассоциациялар Улуттук альянсы Ынтымак курултайына катышкандардын тизмесине кирбей калганына нааразы болуп, билдирүү таратышты. Анда Улуттук альянстын атынан көрсөтүлгөн делегаттардын тизмеси атайын кат аркылуу курултайды уюштуруу комитетинин жетекчиси Каныбек Жороевге жолдонгону айтылган. Ошондой эле президенттин квотасына кирген 150 кишинин сегизи Ишкерлер Кеңешинен экени белгиленген. (КЕ)
