Пакистанда даражалуу талиптер кармалганга байланыштуу талип кыймылы менен БУУнун өкүлдөрүнүн жашыруун сүйлөшүүсү үзүгүлтүккө учурады. Бул тууралуу БУУнун Ооганстандагы мурдакы элчиси Кай Эйде Норвегияда Би-би-си радиосуна айтты. Эйденин сөзүнчө, талип жетекчилиги менен жашыруун байланыш былтыр жазда башталган жана байланыш Ооган президенти Хамид Карзайдын айланасындагы чиновниктер аркылуу да жүргүзүлүп турат.
