Орусиянын полициясынын ырастоосунда, борбор шаардын Пушкин аянтындагы демонстрацияга шаар бийликтери уруксат берген эмес. Бир нече демонстрант камакка алынгандыгы кабарланууда. Полиция кийлигишкен жок. Өлкөнүн чыгышындагы Владивосток портундагы демонстрацияга бир жарым миңдей киши келди. Иркутскиде да нааразылык жыйын өттү, Калининградда болсо тыюу салууга карабастан, 500дөй киши чогулду. Архангелскиде жана Новосибирскиде нааразылык жыйынга катышкан бир нече киши кармалганы кабарланууда. Экономикалык каатчылыктан улам расмий Кремлдин оппоненттери бүгүн (20-мартта) бүт өлкө боюнча нааразылык күнүн жарыялаган.
