Бул тууралуу партиянын лидери Темир Сариев “Азаттыка” билдирген. Анын айтымында, алар Биринчи май райондук соттун 16 кишиге бир-эки миң сомдон айып пул салган чечимин жокко чыгарууну өтүнүп, Бишкек шаардык сотуна кайрылат. 23-мартта Ынтымак курултайынын делегаттары менен жолугушуу үчүн келген “Ак шумкар” партиясынын активисттерин милиция кызматкерлери кармап, аларды санкцияланбаган пикет өткөрдү деп айыптаган. Ал эми райондук сот кармалган 16 кишиге бир-эки миң сомдон айып пул салган.(AiT)
