Учурда айыл чарба тармагын өнүктүрүүгө бөлүнчү насыя акчанын 34 млн. сому бөлүнгөн. Бул тууралуу Өнүктүрүү фондунун каржы директору Рифат Утюшев бүгүн маалымат жыйында билдирди. Анын айтымында, насыя акча 23% менен эки жылга берилет жана 120 миң сом күрөөсү жок алууга болот. Маалым болгондой, насыя берүү жолу Азия универсал банкы аркылуу жүргүзүлүп жатат. Мындан сырткары Өнүктүрүү фонду айыл чарба жабдууларын алып келүүчү атайын лизингалык компания ачууну да пландап жатат. (КЕ)
