Жогорку Кеңештин төрагасы Зайнидин Курманов Орусиянын Федералдык кеңешинин төрагасы Сергей Мироновго жана Мамлекеттик думанын төрагасы Борис Грызловго 29-марттагы Москва метросундагы кырсыкка байланыштуу көңүл айтуу телеграммасын жолдоду. Телеграммада көп адамдардын жанын алып кеткен Москва метросундагы жардыруу боюнча кабарды терең кайгыруу менен кабыл алганын, Жогорку Кенештин жана жеке өзүнүн атынан курман болгондордун үй-бүлөлөрүнө кайрат айтып, жарадар болгондордун тез сакайып кетүүсүнө каалоо билдирген. Бул тууралуу Жогорку Кеңештин басма сөз кызматынан билдиришти. (AJ)
