Элдик курултайдын аткаруу комитети бүгүн Чүйдөгү бул иш-чараны даярдап өткөрүү тууралуу маалымат берет. Бириккен оппозициялык күчтөр 17-мартта Бишкекте өткөн Элдик курултайда тарифтерди арзандатуу, маанилүү ишканаларды сатууну токтотуу, үй-бүлөлүк башкарууга жол бербөө, басма сөз эркиндигин кысымга албоо сыяктуу жети талап коюп, анын аткарылышына 24-мартка чейин убакыт беришкен. Талаптар аткарылбаса элдик бийлик орнотуу максатында жер-жерлерде курултайлар өткөрүлүп нааразылык акциялар башталарын эскертишкен. Президент Курманбек Бакиев 23-март Ынтымак курултайында оппозицияны сындагандан башка альтернативдүү программалары жок, деп айыптаган болчу. (EBM)