Бул тууралуу “Азаттыкка” “Алиби” гезитинин баш редактору Бабырбек Жээнбеков билдирди. Анын айтымында, азыр аталган гезиттин имаратынын алдына боз үй тигилгени жатат. Мурда белгиленгендей жабылган, же иши тоскоолдуктарга кабылган “Стан-ТВ”, “Назар”, “Ачык саясат” гезиттери жана “Азаттык” үналгысынын күйөрмандары ачкачылык акциясын эмес, нааразылык иш-чаранын башка түрүн өткөргөнү жатышат. Ага ылайык учурдага басма сөз эркиндигин абалын чагылдырган көргөзмө уюштурулат. Укук коргоочулар, саясатчылар жана журналисттер 3-мартта Бириккен Улуттар Уюмунун үйүнүн алдына нааразылык акцияга чыгып, сөз эркиндигин кысмакка алууну токтонууну талап кылышкан. Расий бийлик маалымат каражаттарына кысым болуп жатат деп айыпты жокко чыгарып келет. (EBM)
