Бул тууралуу Эл ишенимине кирген убактылуу өкмөттүн мүчөсү Азимбек Бекназаров билдирди. К.Бакиевдин бийлигине нааразы болгон эл 6-апрелде Таласта Элдик курултай өткөрүп, тартип коргоо органдары менен кагылышуу болуп оппозиция лидерлеринин бири Болот Шерниязов камакка алынган. Дээрлик оппозициянын лидерлеринин бардыгы Бишкекте камакка алынган. 7-апрелде Нарын, Каракол, Чүй-Токмок, Жалал-Абадда бийлик элдин колуна өтүп, Бишкекте жаалданган эл укук коргоо органдары менен кагылышып, жыйынтыгында 40тан ашуун адам каза болуп, 300дөн ашуун адам жаракат алган. Кечки саат 23:30да Ак үй элдин колуна өттү. (AJ)
