Баш-аламандыктын кесепетинен Ак үй, Жогорку Кеңештин терезе-каалгалары, ичиндеги эмеректер талкаланды. Башкы прокуратуранын имараты өрттөлдү. Талоончулар “Вефа”, “Кербен”, “Айчүрөк”, “Плаза” сыяктуу ири соода дүкөндөрүн, бир нече “Народный” азык-түлүк дүкөндөрүн талап-тоноду. Оппозиция лидерлери элди тынчытууга аракет жасап, коомдук тартипти бузбоого чакырды. Бишкекте көзөмөл жоктугунан улам талоончулук токтобой, эмеректерди ташуу таң атканча улантылды. Бишкектин коменданты Турат Мадылбеков ыктыярдуу элдик кошуун түзүлүп кырдаал көзөмөлгө алынганын билдирди. (AJ)
