Улуттук банк “АзияУниверсалБанкы”, “Ысык-Көл”, “Кыргызкредит”, “Манас”, “Акыл” банктарына убактылуу башкаруу киргизди. Бул тууралуу бүгүн утурумдук элдик өкмөттүн төрайымы Роза Отунбаева журналисттерге билдирди. Маалым болгондой, мындай чечим учурдагы саясий кырдаалды эске алуу менен каржы активдерин көзөмөлдөө үчүн “Кыргыз Республикасынын Улуттук банкы жөнүндө” жана “Банктар жана банк ишмердиги жөнүндө” мыйзамдардын негизинде Улуттук банктын жетекчилиги тарабынан кабыл алынды. (AiJu)
