Бангкоктун эски бөлүгүндөгү Пан Фах көпүрөсүнө жакын жердеги атышууда 90дон ашык киши жараат алды. Алардын экөө аскер кызматындагылар экендиги, армия демонстранттарды желим ок менен аткандыгы кабарланууда. Өз кыймылынын белгиси катары кызыл көйнөк кийген демонстранттар сүргүндөгү экс-премьер Таксин Шинаватранын катышуусу менен акыйкат шайлоо өткөрүүнү талап кылышууда.
