Бүгүн Сузак районунун Ырыс айыл өкмөтүнө караштуу Тейит айылында Курманбек Бакиевди кайтаруу күчөтүлүп, куралчан күзөтчүлөр турушат. Айылга кире бериштеги жолго таш төгүлүп, беш-алты куралчан күзөтчү унааларды тосуп өткөрбөй жатышат. Бул тууралуу Жалал-Абаддан “Азаттыктын” кабарчысы билдирди. Убактылуу өкмөттөн Жалал-Абаддагы кырдаал көзөмөлдө экендигин, бүгүн борбордук аянтта убактылуу өкмөт башчынын орун басары Азимбек Бекназаровдун катышуусунда К.Бакиевдин маселесин талкуулаган Элдик курултай өткөрүлөрүн маалымдашты. (AJ)
