Тегеран 20 процентке жеткирип байытылган урандан 5 килограмм өндүрдү. Бул тууралуу Иран өкмөтүнүн ядролук маселелер боюнча жооптуу өкүлү Али Акбар Салехи маалымдады. Иран бул процессти 9-февралда баштаган. Салехи ИСНА кабар агенттигине билдиргенине караганда, Тегерандагы атомдук реактор үчүн айына 1 жарым килограмм байытылган уран керектелет. Дүйнөнүн кубаттуу мамлекеттери Тегеран жашыруун түрдө атомдук куралдын үстүнөн иштеп жатат деп, уран байытуу процессин токтотууну талап кылышууда. Иран болсо андай айыптоолорду четке кагууда.
