Бул тууралуу “Элдик кеңеш” кыймылынын жетекчиси Мукар Чолпонбаев “Азаттыкка” билдирди. 21-апрелде Бишкекте өтө турган иш-чарага республика боюнча миңдей делегат чакырылууда. Алардын ичинен коомдук уюмдардан 200, жаштардан 200 делегатка орун берилди. Жыйында учурдагы экономикалык-саясий абал талкууга алынып, азыркы кырдаалга саясий баа берилет. М.Чолпонбаевдин айтымында, курултайга утурумдук өкмөттүн өкүлдөрү да чакырылды. (AiJu)
