Тейит айылында Бакиевдердин үйлөрү тинтүүгө алынды

Бул тууралуу “Азаттыкка” утурумдук өкмөттүн өкүлү, сот, прокуратура жаатын көзөмөлдөгөн Азимбек Бекназаров билдирди. Анын айтымында, атайын даярдыктагы аскер кызматкерлери ушул тапта Жалал-Абаддын Тейит айылындагы Бакиевдердин төрт үйүн тинтүүгө алып, мүлктү каттоодо. Ал жакта мурдагы президент Курманбек Бакиевдин туугандары жок болуп чыкты. А.Бекназаров ал үйлөр талап-тонолбошу көзөмөлгө алынганын айтты.

Буга чейин К.Бакиевдин иниси Жаныш Бакиев өз ыктыяры менен күч органдарына колго түшүп берем деп убада кылганы маалымдалган. (AiJu)