Кыргызстандын тышкы иштер министринин милдетин аткаруучу Руслан Казакбаев бүгүн Шанхай Кызматташык Уюмунун Баш катчысы Муратбек Иманалиев менен жолугуп сүйлөштү. М. Иманалиев ШКУнун Катчылыгынын делегациясын баштап Бишкекке келген. ТИМдин жиберген маалыматына караганда, жолугушуу учурунда министр Р. Казакбаев Кыргызстандагы азыркы кырдаалды айтып берди жана Убактылуу өкмөт республиканын эл аралык уюмдардын алдында алган милдеттенмелерин аткара турганын ырастады. Ошондой эле тараптар ШКУга мүчө өлкөлөр тарабынан Кыргызстанга жардам көрсөтүү маселесин дагы талкуулашты.
