Кытай президенти Ху Цзинтао жер титиреген аймакка учуп кетти. Синхуа агенттиги маалымдаганына караганда, мамлекет башчы жардам берүү иштерин өзү багыттап, жарадар болгондор менен жолугушмакчы. Шаршемби күнү тоолуу Цинхай чөлкөмүндө күчү дээрлик 7 баллга жеткен зилзала 1 жарым миңдей кишинин өмүрүн кыйган. Цзинтао Бразилияда жүргөн жеринен мекенине чукул кайтып барган. Соңку кабарларга ылайык, дагы 400дөй кишинин дайыны жок.
