Европанын аба мейкиндиги азыр дээрлик толугу менен жабылган. Анткени шаршембиде Исландияда вулкан атылып, андан чыккан түтүн асманга таркап кетти. Муну адистер учактарга коркунуч келтирет деп, 20дай мамлекет аэропортторун жаап салышкан эле. Бүгүн алардын жарымы ачылышы мүмкүн деп жатышат. Бирок сыноо иретинде абага көтөрүлгөн учактарга эч нерсе болбогону айтылууда. Евроконтроль агенттиги өткөн бейшембиден бери 63 миң рейс кийинкиге жылдырылганын, авиакомпаниялар күнүнө 200 млн.доллардан жоготууга учурап жатышканын билдирди.
