Беларустун президенти Александр Лукашенко азыркыдай кыйын шартта анын өлкөсү Курманбек Бакиевге жана анын үй-бүлөсүнө жардам берип, аларды чакырганга даяр экенин билдирди. Мурдагы кыргыз президенти Бакиев Бишкектеги 7-апрелдеги кандуу окуялардан кийин бийликтен кулатылып, бейшембиде Казакстанга кеткен. Ал Казакстанда канча болоору, казак бийликтери ага өздөрүндө канча убакытка турганга уруксат берээри азырынча белгисиз.