7-апрелдеги ыңкылапка чейин Президенттик катчылыктын башчысы болуп келген Оксана Малеваная кармалып, сурак берип жатканын убактылуу өкмөттүн башчысынын орун басары Өмүрбек Текебаев билдирди. Ал мындай маалыматты кечээ кечинде, ЭлТР коомдук телекөрсөтүүсүнүн түз обосунда алып баруучунун суроолоруна жооп берип жатып айтты.
Оксана Малеванаянын атасы Александр Малеваный болсо бүгүн "Азаттыкка" бул кабарды тастыктаган жок жана кызы эркин эле жүргөнүн кошумчалады. (SM)
