Мындай маалыматты Баткен мамлекеттик университетинин аттарын атагысы келбеген ондон ашык студенти бүгүн “Азаттыкка” билдиришти. Алардын айтымында университетте ректорлук кызматты талашып, мугалимдер жамааты экиге бөлүнүп, бир жумадан бери студенттер үчүн сабак өтүүнү дээрлик токтотуп коюшкан. Кээ бир мугалимдер гана өз милдетин аткарып, бир күндө жетишкенинче сабак өтүп жатат. Мугалимдердин өздөрү дагы мындай маалыматтын туура экендигин “Азаттыкка” тастыкташты.
