Лондондо бир нече күндөн бери жабык турган Европадагы эң чоң аэропорт Хитроуга алгачкы учак конду. “Британия аба жолдору” крмпаниясы жакын арада АКШдан, Африкадан жана Азиядан 24 учактын келишин күтүп жатканын билдирди. Кечээ Европанын бир топ өлкөлөрү аэропортторун ача башташкан. Исландияда өткөн аптада жанар тоо жарылып, абада түтүн-чаң аралаш булут пайда болгон эле. Учууга кооптуу деп, көп өлкөлөр аэропортторун жап салышкан болчу.
