Украина жана Россия президенттери газ боюнча жаңы келишимди талкуулаганы жатышат. Украинанын вице-премьери Сергей Тигипконун айтымында, Киев газдын 1 миң куб метрин 240 долларга сатып алууну көздөйт. Азыркы баа - 330 доллар өлкө экономикасы үчүн өтө оор жүк болууда, - деп белгилешет Украин расмий адамдары. Украина 2010-жылдын бюджетин аныктоо жана Эл аралык валюта фондунан алынган карызды кайтаруу үчүн газдын баасын арзандатууга муктаж.
