Жо Байден Кытай БУУнун Иранга каршы санкцияларынын жаңы айлампасына макул болору тууралуу Эй Би Си телеканалындагы маегинде айтты. АКШ вице- президенти белгилегендей, Иран чектен чыкканынан улам дүйнө азыр биринчи жолу биригип олтурат. Батыш өлкөлөрү Иран шектүү өзөктүк програмасын токтотпогонуна байланыштуу ага каршы жаңы санкциялардын киргизилүүсү үчүн умтулууда. Тегеран Батыштын ал өзөктүк программасына жамынып алып, өзөктүк курал жасоону көздөп жатат деген айыптоосун четке кагып келет.
