Өлкөнүн Башкы прокуратурасы тарабынан козголгон жаңы кылмыш иши мурдагы премьер- министр Юлия Тимошенконун өкмөтү Украина абага “парник газдарынын” бөлүнүшү үчүн берилген квотаны сатуудан түшкөн 290 миллион доллар өлчөмүндөгү каражатты максатсыз пайдалангандыгы менен байланыштуу. Бирок айыптоодо мурдагы премьер- министрдин ысымы түздөн –түз аталбайт. Бүгүнкү өкмөт жыйынында азыркы премьер- министр Николай Азаров Тимошенконун өкмөтүн бюджеттик каражаттарды максатсыз пайдаланганы үчүн күнөөлөдү. Тимошенко болсо Азаровдун айыптоолорун четке какты.
