Македония мамлекети аталышын өзгөртүшү ыктымал

Македониянын келечеги Грекия менен өзүнүн аталышы боюнча чатакты жөндөгөнүнө жараша болорун АКШнын Скопьедеги элчиси Филип Рикер эскертти. Ырасмий Афина Скопьени Грекиянын түндүгүндөгү Македония аймагына ээ чыгуу үчүн өлкө наамын “Македония” деп атап алган деген ишенимде. Ошон үчүн Грекия Македониянын НАТОго кирүүсүнө каршы чыккан жана Европа Союзуна өтүүсүнө бут тосорун айтып коркутууда.

Македония мурдакы Югославиянын курамынан бөлүнүп чыккан республика.