Кечээ шаршембиде орусиялык деңиз базасы боюнча талкууда оппозициядагы депутаттар жумуртка атып, түтүн бомбасын ыргытышкан, депутаттар өз арасында мушташып кетишкен. Тополоң Украинанын Крым жарым аралында Орусиянын кара деңиз флотунун турушун 25 жылга узарткан келишимди талкуулоонун мезгилинде чыкты. Украинанын батышчыл оппозициясы бул документтин жактырылышын Украинанын суверендүүлүгүн бузуу жана улуттук кызыкчылыкты сатуу деп баалашууда.
