Убактылуу өкмөт 30-апрелдеги жыйынында референдумду өткөрүү чаралары тууралуу токтом кабыл алды. Документке ылайык, бул жаатта республикалык жана жергиликтүү штабдар түзүлмөкчү. Кыргызстанда Баш мыйзамдын жаңы долбоору боюнча 27-июнда референдум өтөт. Убактылуу өкмөт башчынын орун басары Өмүрбек Текебаев баштаган жумушчу топ Конституциянын жаңы долбоорун ушул жуманын башында жарыялады. Айрым талдоочулар бул долбоорду сынга алып дагы башка варианттар да сунушталышы керектигин билдиришүүдө. (EBM)
