Ооганстанда НАТОнун эки аскери окко учту. НАТОнун маалымдашынча, эки жоокер өлкө түштүгүндө жолго коюлган бомбага кабылып курман болгон. Алардын кайсы өлкөдөн экени маалымдалган жок. Канаданын коргоо министрлиги Кандагар провинциясында бир жоокери катардан чыкканын тастыктады. Жыл башынан бери Ооганстанда НАТО 170тен ашуун аскерин жоготту. НАТОнун айтышынча, алардын көбү жолго коюлган бомбадан ажал табышкан.
