Индиянын соту 2008-жылы Мумбайдагы террордук чабуулга катышкан пакистандык Ажмал Касабдын өлүм жазасына тартылганы жөнүндөгү өкүмүн жарыялады. “Ажмал Амир Касаб төрт айып боюнча өлүм жазасына тартылды”, деп билдирди Өкмөттүк прокурор Ужвал Никам 6-майда Мумбайда.
Апта башында Мумбайдын соту Касабды адам өлтүрдү жана Индияга каршы согуш ачты деп тапкан. Эки жыл мурдакы калабада 160тан ашуун адамдын каны төгүлгөн. Индияда жогорку жазага тартылган адам дарга асылат.
