Бүгүн Кожомкул атындагы спорт ордосунда 2009-жылдын жыйынтыгы боюнча мыкты деп табылган спорт чеберлери, машыктыруучулар жана журналисттерге Дене тарбия жана спорт агенттигинин жетекчисинин милдетин убактылуу аткаруучу Алмаз Касенов атайын сыйлыктарды тапшырды. Сыйлыктар спорттун олимпиадалык, улуттук түрлөрү боюнча мыкты 20 спортчуга берилди. Журналисттер арасынан сыйлыкка “Азаттыктын” спорттук баяндамачысы Кабыл Макеш арзыды. Аземде 9-Майды утурлай Улуу Ата мекендик согуштун 65 жылдыгына карата согуш ардагерлерине белектер тартууланды. (EK)
