Түркиянын Ирак менен чектеш түштүк-чыгыш тарабында куралдуу кагылышуу болгонун Анкаранын өкүлү кабарлады. Маалыматка караганда, күрт козголоңчулары Хаккари провинциясындагы аскердик кайгуул жайга кол салып, ортодогу атышуудан эки жоокер жана беш козголоңчу мерт болду. Күрт жумушчу партиясы Анкара тарабынан террористтик уюмдар тизмесине киргизилген, 1984-жылы башталган ортодогу куралдуу эрегиш 45000дей кишинин өмүрүн алды.
